ما أسامحک
شفتنی و إعلی شاطی إلبحر وجفیت
إبگلبی إو نار حبّک لهب وجفیت
إلسبب شنهی أنکرتنی إبزعل وجفیت
وداعاً روح ما تثّر علیّه
***
أنکرتنی إو ما بگه بل جسم بسروح
إو أبد ما أسامحک للأبد بسروح
جبت ویّاک عمری إبنوح بسروح
علی إلحایفنی أنطر صعبه إلیّه
***
هواک إشگد کسر بیّه و شبنی
إمسهّرنی أهدرت عمری و شبنی
علی یا لحظه أدگ طوری و شبنی
إو حتّی إلنای شک بإلخان بیّه
***
إبرساله إو لا أود ذکرک ولکتاب
لأن ما فاد کل نظمی ولکتاب
دواوین أنشرت لجلک ولکتاب
أبو إلحصنی أطلعت ترکه إلمنیّه
***
بعد ما أریدک إتمر علی بدراک
إبگلبی إو للأبد ما یشع بدراک
إلتهیت إبغیری منّی أعجزت بدراک
إلیعوف إهواه یعوف إلکل سویّه
***
أخبرک یألخنتنی إو راید إتعود
بعد للعشره ماظل درب موجود
جسور إلحب عفتهه
طفتهه إو کسّرتهه
تحمّلتک صبرت إو صبری محدود
أخبرک یألخنتنی إو راید إتعود
بعد للعشره ماظل درب موجود
***
إذا قصدک تعود إلمن عفتنی
متأامر علی ما خبّرتنی
إتبعه إلغشّک إویای
کذب من گلّک إهوای
إطمیعی ما یفید إیخذلک إردود
أخبرک یألخنتنی إو راید إتعود
بعد للعشره ماظل درب موجود
***
تدری إویاک صادق من هویتک
عجیج إو فص نقی صافی لگیتک
عذرک بعد میفید
إدفنه إبلیلة إلعید
فخت منّک عساک إو ضیمک إیزود
أخبرک یألخنتنی إو راید إتعود
بعد للعشره ماظل درب موجود
***
گلبی إلتارکک و أنا إشبدیّه
بعد ما أریدک أنت إتعن علیّه
إصورّک شگّگتهه
إلرسایل دفّنتهه
إنمحه کل ذکرک إویه إثیابک إلسود
أخبرک یألخنتنی إو راید إتعود
بعد للعشره ماظل درب موجود
***
بعد کافی تمرنی إو لا أمر بیک
نشف حبّک إبگلبی و أنا ناسیک
بس ما أسامحک روح
إنهضمت إو گلبی مجروح
إلعهد خنته أعتقد و إبذاتی مشدود
أخبرک یألخنتنی إو راید إتعود
بعد للعشره ماظل درب موجود
***
جاسم ثعلبی ألحسّانی 10/10/1401
:: برچسب‌ها:
اُغنیّة ما أسامحک ,
:: بازدید از این مطلب : 1145
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
